للمعنيين

فاكر

 لما سبتني و نمت جنب الناس قدام اللي كنت فاكره أنا جامع و قولت لك أزاي هنا و أزاي دلوقتي و انت بكل بساطة قولتلي ده أمن -مكان تنام فيه وسبنتي و سبت كل حاجة و نمت جنب الناس (استغربتك اوي -أحترمت يئسك و طلبك للموت (

 و لما جيت أصحيك من الموت الأنت عايزه قومت و انت مستسلم لفكرة عدم موتك  ده غير إني  ماكنتش مصدق انك هتعرف تنام فعلاً 

(مهو برضه مين ينام وسط الموت ده كله )

فاكر مكالمة ولدتك 

 فاكر الركعتين اللي خلتنا نصليهم واللي بسببهم خرجنا من اليوم ده

 فاكر رضا 

فاكر العجلة و شاورمة الفراخ و الدخان

فاكرة 

 مولد الحسين ؟ كشري أبو طارق؟ الحاكم بأمر الله ؟ الشخشاخة ؟ العالم اللي بيجري ورانا عشان يحصلنا ؟التأمل؟ألوان الشرابات ؟العربيه وفشلك في السواقة؟  الزمالك و بركة؟ السبحة الزرقاء و الحجر الأسود؟ حفلة الموسيقي العربية و المغنين العواجيز ؟اول يوم في شهر 11

فاكر

لما جابوني من أخر ديسك و خلوني اقعد جنبك في تاني ديسك  عشان اتعلم منك الادب والهدوء و الترتيب كان شكلنا عكس بعض قوي ساعتها و أنا متعلمتش حاجه و أنت مبوظتش بسببي 

فاكر نقاشاتنا الطويلة عن الكون و الخلق و الخالق و دماغي المتركبة شمال  فاكر الكابتشينو اللي علي طول بتشربه و لا عيد ميلادي  ال22 و المشروم و الأرض و راية 

فاكرة 

الشهر و الخوذة و عندك وتشجيع الاهلي وخسارة الزمالك وكتاباتك بالعربي والانجليزي وإسكندرية و كرهك لعصير الليمون و  تصميمك انك تشربيه وإمتحاناتك  اللي بتروحيها  متأخر و اوت دورز و المحشي الرسالة وردها و البريزنتيشن داي والوداع

فاكر

 منطقة الزمالك لعب الكورة في الفصل بعد اليوم ما يخلص الشيشة بعصير التفاح يوم أبوك  طبخك و القاعدة عندكم في البيت و لما رحنا مع أبوك نجيب هدوم في العربية الشاهين وتورنيدو والصن شاين يوم الوقفة في المقطم برج الميزان و شهر 10 و السوبليه 

ورحلة فايد و دماغك المتكلفة و الحب اللي لازم يفشل عشان يبقي حب فاكر شرم و هارد روك و بشاه و الجزمة و بدلة الغطس و السرير اللي أتكسر و الجيش 

فاكرة

بينوس والنضارة الريبان اللي بتبصي من تحتها و القهوة و الكورسون بالجبنة  و أيام الجمعة قبل الكورس و الشوارع الفاضية و فطار ماكدونالدز و حلم العجلة و عربية الفول بالفورمال و القرفة و حبك ليها و الفستان الأصفر و موسي و ميدان التحرير و الدونتس و مين اللي يقعد قدام وميرا وكورسات التنمية البشرية و الفن ميدان و تشمير الكم